Speech by the Minister of Public Works and Transport Honourable Maliehe Prince Maliehe during the Spot Fine System Launch on Friday 06th September, 2019 in Maseru
KEYNOTE ADDRESS
ELECTRONIC SPOT FINE PROJECT
MOTLOTLEHI HLOOHO EA NAHA;
MOHLOMPHEHI TONA-KHOLO;
………………………………………
BO ‘M’E LE BO NTATE
LETSATSING LA KAJENO KE MOTLOTLO HO THAKHOLA KA MOLAO SE SEBELISOA SA MARANGRANG SE FANANG KA TS’EBELETSO EA LIKAHLOLO TSA TSELENG (E-SPOT FINE GADGET). LETLOLE LA LITSELA (ROAD FUND) KE LETSOHO LA ‘MUSO LE SHEBANENG LE HO BOKELETSA LICHELETE TSE TLA SEBELISOA HO BEHA LITSELA TSE KA HARA NAHA MAEMONG (UPKEEP OF ROAD NETWORK) ESITA LE MANANE A TS’IRELETSEHO LITSELENG (ROAD SAFETY).
HARA LICHELETE TSE BOKELETSOANG HO NA LE ENA EA HANG-HANG (SPOT FINE) E FANOANG KE SEPOLESA SA SEPHETHEPHETHE (LMPS-TRAFFIC). E FANOA LITLOLONG TSE ITSENG TSE SENG KHOLO TSA TSELENG. LMPS E ILE EA FUMANA LIQHOLOTSO HA E NTSE E SEBELISA MOKHOA OA KHALE OA HO FANA KA LIKAHLOLO TSENA. HO NE HO SE BOBEBE HO LATELLA LE HO BONA HORE EFELA BAQHOBI BA LEFILE LIKAHLOLO TSEO BA LOKELANG HO LI LEFA.
HO LATELA MOLAO SEPHETHEPHETHE OA 1981(ROAD TRAFFIC ACT 1981), KAHLOLO ENA EA SPOT FINE KE MALOTI A MASHOME A MARARO (M30.00), ‘ME E LEBELETSOE HORE E PATALOE KA HARA MATSATSI A SUPILENG. CHELETE EA LIKAHLOLO E PATALLOA LITSING TSA POKELLO EA LICHELETE TSA ‘MUSO E LENG SUB-ACCOUNTANCIES LE LRA. EMPA KE HLOKOMELISITSOE HORE HO NTSE HO ETSOA LITUKISO TSA HORE HO TLE HO PATALOE LE KA MARANGRANG (MPESA, ECO-CASH). EBANG MOQHOBI A SA PATALE KAHLOLO,HO NA LE LITSELA TSEO A TLA FUMANOA KA TSONA, MOHLALA, LITHIBELLENG TSA MAPOLESA LE HA KOLOI E ILO KHAFELOA. MOTHO EA JOALO O TLA PATALISOA LIKOTLO E KA SITA LE HO HLAHISOA KA PELA MAKHOTLA A MOLAO.
E LE HO FENYA LIQHOLOTSO TSE ILENG TSA BONAHALA MOKHOENG OA KHALE OA TS’EBETSO, LEFAPHA LA LIPALANGOANG KA KOPANELO LE LITSI TSE AMEHANG HO KENYELETSA LEFAPHA LA SEPOLESA LE LAOLANG SEPHETHEPHETHE LE ROAD FUNDBA ILE BA TLA KA LEANOLA HO SEBELISA MARANGRANG E LE HORE HO TLE HO BE BONOLO HO ETSA TS’ALO MORAO TS’EBETSONG EO EA BONA EA HO FANA KA LI SPOT FINE. KE MOO ELECTRONIC SPOT FINE PROJECT E ILENG EA QALA KA SELEMO SA 2014, EMPA HO LATELA TLHOKAHALO EA LICHELETE, MORERO O ILE OA EMA HOFIHLELA KA 2018 HA CHELETE E BA TENG HO TSOA ROAD FUND.
MORERO ONA OA HO RALA (DESIGN) SEHLAHISOA SENA SA MARANGRANG O FUOE KHOEBO (COMPANY) EA BANA BA BASOTHO E BITSOANG ENGIDATA. MORERO O BATLA O FIHLILE PHELETSONG KA HA LE LITEKO TSA TS’EBELISO ENA EA MARANGRANG O SE O ILE OA KENYOA TEKONG KE MAFAPHA OHLE A AMEHANG A KENYELETSANG DEPARTMENT OF TRAFFIC AND TRANSPORT, DEPARTMENT OF ROAD SAFETY, LMPS TRAFFIC DEPARTMENT, JUDICIARY LE ROAD FUND.
KE KA HONA LETSATSING LENA KE THAKHOLANG TS’EBELISO ENA EA MOKHOA O MOCHA HOBA BAO BA HESO BA IKHOTSOFALITSE HORE KE MORERO O TLA SEBETSA. KE TEBELLO EA KA HORE HA E LE MONA RE THAKHOLA TS’EBETSO ENA MONA MASERU LETSATSING LA KAJENO, SEHLOPHA (TEAM) SE NTSENG SE SEBETSANA LE MORERO ONA SE TLA O FETISETSA HOOHLE KA HARE HO NAHA.
KEA LEBOHA.
Group photo of Honourable Ministers and officials during the launch of E-spot fine system
Demonstration of the use of the use of the system and issuance of the first spot fine to the by the Hon Minister